پیر، 10 ستمبر، 2012

زورن/اوبنٹو/منٹ/ڈیبین/لینکس او ایس کی مینیولی پارٹیشن کے ساتھ انسٹالیشن


سب سے پہلے تو میں حوالہ دونگا کہ اگر آپ نے نارمل/عام طریقے سے انسٹالیشن کرنی ہے تو اس لینک کو چیک کریں۔ http://asakpke-urdu.blogspot.com/2011/06/learn-to-install-linux-operating-system.html لینکس کمپیوٹر آپریٹنگ سسٹم انسٹال کرنا سیکھیں (اردو میں مکمل ویڈیو گائیڈ)۔

نوٹ: دی گئی تصاویر آپکی لینکس انسٹالیشن سے مختلف ہو سکتی ہیں۔

اس مضمون میں مندرجہ زیل باتوں کی وضاحت کی جائے گی۔
  • پارٹیشن
  • پارٹیشن کی قسمیں
  • ونڈوز اور لینکس میں پارٹیشنز کے نام 
  • لینکس کا جی پارٹیڈ Gparted پروگرام
  • وغیرہ وغیرہ

اوپر ویڈیو لینک میں دوسری ویڈیو کے 6 بج کر 5 منٹ تک سٹپس ایک جیسے ہیں۔ اس سٹپ پر اس طرح کی سکرین سامنے آتی ہے۔ یہ غالبا انسٹالیشن کا تیسرا سٹپ بنتا ہے۔


عام انسٹالیشن میں ہم پہلی آپشن متنخب کرتے ہیں جس میں یہ ہمیں ونڈوز ایکس پی/ونڈوز 7 یا موجودہ لینکس کے ساتھ نئی لینکس انسٹال کرنے کی آپشن دیتا ہے۔ مثلا اوپر تصویر میں یہ موجودہ اوبنٹو کے ساتھ نئی اوبنٹو کو انسٹال کرنے کی آپشن دے رہا ہے۔

بعض اوقات پہلی آپشن نہیں آتی تو ہمیں مینیولی پارٹیشن کرنے کی ضرورت ہوتی ہے جو کہ تصویر میں Something else کی آپشن سے ظاہر ہے۔ یا ہم موجودہ لینکس کو ختم کر کے اسکی جگہ نئی لینکس انسٹال کرنا چاہتے ہیں۔ یا ہم ونڈوز کی انسٹالیشن ڈرائیو کو ختم کر کے وہاں لینکس انسٹال کرنا چاہتے ہیں۔ یا وغیرہ وغیرہ۔ '۔۔۔ Erase' والی آپشن کا نقصان یہ ہے کہ یہ ساری ہارڈ ڈسک کا ڈیٹا ختم کر کے وہاں پر نئی انسٹالیشن کرتا ہے۔

کیوںکہ ہم نے ہارڈ ڈسک سے لینکس کے لیے خود پارٹیشن جگہ بنانی ہے اس لیے فل وقت Quit کو کلک کر کے اسے ختم کر دیں۔ پارٹیشن بنانے کے بعد ہم یہاں تک آئیں گے اور Something else والی آپشن کا استعمال کریں گے۔

ہارڈ ڈسک پارٹیشن کیا ہے؟ سادہ الفاظ میں آپ اسے ونڈوز کی سی یا ڈی ڈرائیو کہہ سکتے ہیں جسمیں آپ ونڈوز انسٹال کرنے ہیں یا اپنا ڈیٹا رکھتے ہیں

بیسک پارٹیشن ٹیبل میں پارٹیشن کی تین اقسام ہیں۔
  1. پرائمری پارٹیشن
  2. ایکسٹینڈیڈ پارٹیشن
  3. لاجیکل پارٹیشن
بیسک پارٹیشن ٹیبل میں زیادہ سے زیادہ چار پرائمری پارٹیشن بن سکتی ہیں۔ ایکسٹینڈیڈ پارٹیشن بنیادی طور پر پرائمری پارٹیشن کی ہی ایک قسم ہے جو کہ تعداد میں صرف ایک ہی ہو سکتی ہے۔ ایکسٹینڈیڈ پارٹیشن کا کام یہ ہے کہ اس میں بہت سی لاجیکل پارٹیشنز بن سکتی ہیں۔

پرائمری پارٹیشن اور لاجیکل پارٹیشن میں کچھ خاص فرق نہیں ہے۔ اگر آپ نے ڈرائیو میں ڈیٹا ہی کاپی کرنا ہے تو آپکو دونوں میں کچھ خاص فرق نہیں ملے گا۔ کچھ آپریٹنگ سسٹم انسٹالیشن کے لیے پرائمری پارٹیشن کی ڈیمانڈ کرنے ہیں مثلا میرے خیال میں ونڈوز ایکس پی لاجیکل ڈرئیو میں انسٹال نہیں ہو سکتی جبکہ ونڈوز 7 ہو سکتی ہے۔ لینکس دونوں میں انسٹال ہو سکتی ہے۔

ونڈوز میں پارٹیشن یا ڈرائیوز کے نام سی، ڈی، ای، ۔۔۔ وغیرہ ہوتے ہیں۔ جبکہ لینکس میں dev/sda1/ یا 2، 3 ۔۔۔ وغیرہ ہوتے ہیں۔ پہلی ہارڈ ڈسک کا نام sda ہو گا جبکہ دوسری کا نام sdb اور اسی طرح باقیوں کے نام ہونگے (انگریزی میں مزید معلومات https://help.ubuntu.com/12.04/installation-guide/i386/device-names.html)۔ اگر چار پرائمری پارٹیشن ہیں تو ان کے نام یہ ہونگے.
  1. پہلی پرائمری پارٹیشن dev/sda1/
  2. دوسری پرائمری پارٹیشن dev/sda2/
  3. تیسری پرائمری پارٹیشن dev/sda3/
  4. چوتھی پرائمری پارٹیشن dev/sda4/
عام طور پر ان پرائمری پارٹیشنز میں ایک ایکسٹینڈیڈ پارٹیشن ہو گی۔ جس میں باقی ساری پارٹیشنز بطورلاجیکل پارٹیشز بنے گی۔ لاجیکل پارٹیشن کے نام کی شروعات اس طرح ہو گی۔
  • پہلی لاجیکل پارٹیشن dev/sda5/
  • دوسری لاجیکل پارٹیشن dev/sda6/
  • تیسری لاجیکل پارٹیشن dev/sda7/
  • وغیرہ وغیرہ
یعنی پہلی لاجیکل ڈرائیو sda5 سے شروع ہو گی۔ مثلا میرے کمپیوٹر کی پارٹیشنز لینکس کے GParted پروگرام میں اس طرح ہیں۔


ونڈوز اور لینکس دونوں میں پارٹیشنز کو ضرور لیبل دیں اس سے انسٹالیشن کے دوران آسانی ہو گی۔ مثلا اوپر تصویر میں Win-7، Data، وغیرہ لیبلز ہیں۔ مثلا اوپر تصویر کو دیکھ کے ہم اندازہ لگا سکتے ہیں کہ
  • dev/sda1/ پرائمری پارٹیشن ہے جو کہ ونڈوز کی سی ڈرائیو ہے۔ boot Flag بتا رہا ہے کہ یہ ونڈوز کی ایکٹو پارٹیشن ہے
  • dev/sda2/ بھی پرائمری پارٹیشن ہے جو کہ ونڈوز کی ڈی ڈرائیو ہے
لینکس کو انسٹال کرنے کے لیے کم از کم ایک پارٹیشن یا ڈرائیو دینی پڑتی ہے جس کا فائل سسٹم ٹائپ ext2, ext3, ext4 وغیرہ ہونا چاہیے۔ اور دوسری پارٹیشن Swap کے لیے بنا لینی بہتر ہے۔ Swap عارضی RAM کے طور پر کام کرتی ہے۔ عام طور پر Swap کا سائیز RAM سے ڈبل ہوتا ہے مگر 2 جی بی سے زیادہ سائیز ضروری نہیں۔ اگر آپ پہلے سے ہی ونڈوز میں لینکس کے لیے پارٹیشن بنا چکے ہیں تو ٹھیک ہے یا یہ سوچ چکے ہیں کہ فلاں ڈرائیو میں لینکس انسٹال کرنی ہے اور جی پارٹیڈ Gparted کو چلا کر ان کا نام نوٹ کر لیں مثلا dev/sda8/ یا جو بھی ہو ورنہ GParted پروگرام چلا کر پارٹیشن بنائیں۔

یہ جی پارٹیڈ Gparted پروگرام کہاں ملے گا؟ یہ زورن او ایس 6 کور ایڈیشن کے مین مینو میں System Tools کے اندر Administration سیکشن میں ملے گا۔ زورن او ایس 5 کے مین مینو میں System کے اندر Administration سیکشن میں ملے گا۔ اوبنٹو 04۔12  کے مین مینو میں Gparted لکھنے سے سامنے آئے گا۔ لینکس منٹ 13 کے مین مینو کے Administration سیکشن میں ملے گا۔

 جی پارٹیڈ Gparted پروگرام چلائیں اور جس پارٹیشن سے جگہ لینی ہے اس پر رائیٹ کلک کر کے Resize/Move متنخب کریں۔


مثلا اوپر تصویر میں بنی بار سے پتہ چلا رہا ہے کہ پیلے رنگ والہ حصہ استعمال شدہ جگہ ہے اور سفید خالی جگہ ہے۔ لینکس کے لیے نئی پارٹیشن کی جگہ بنانے کے لیے اوپر بار کے دائیں طرف والے ایرو پر بائیں کلک کر کے بائیں طرف ڈریگ کریں اور جتنی خالی جگہ بنانی ہے اتنا ڈریگ کریں یا بار کے نیچے Free space following میں مقدار بتا دیں اور Resize/Move پر کلک کر دیں۔ اس کے بعد Gparted میں اپلائی کے بٹن پر کلک کر دیں۔ تقریبا 10 یا 20 جی بی لینکس کے لیے کافی جگہ ہے۔

اب جو خالی جگہ بنی ہے اس پر رائیٹ کلک کر کے New متنخب کریں۔


غالب امکان یہ ہے کہ آپ لینکس کے لیے پارٹیشن لاجیکل ڈرائیو میں بنائیں گے۔ اس لیے Create as میں لاجیکل متنخب کریں۔ Filesystem میں ext4 متنخب کریں۔ اگر Swap پارٹیشن بنانی ہے تو Free Space Following میں اس کے لیے جگہ چھوڑ دیں۔

Swap پارٹیشن بنانے کے لیے اوپر والے سٹپس دوبارہ کریں مگر Filesystem میں Swap متنخب کریں۔ اس کے بعد Gparted میں اپلائی کے بٹن پر کلک کر دیں۔ لینکس اور Swap کے لیے بنائی گی پارٹیشن کے نام نوٹ کریں مثلا dev/sda7/ لینکس کے لیے اور dev/sda8/ سواپ کے لیے۔ پھر Gparted کو بند کر دیں۔

اب لینکس انسٹالیشن چلائیں اور Something else والے سٹپ تک پہنچیں۔ جب آپ Something else متنخب کر کے آگے جاتے ہیں تو اس طرح کی سکرین آتی ہے۔


اس میں اہم کام یہ چیک کرنا ہے کہ Device for boot loader installation میں dev/sda/ وغیرہ متنخب ہوں۔ اور اس میں جو پارٹیشن آپ نے لینکس کے لیے بنائی تھی اسکا نام، ٹائیپ اور سائیز وغیرہ دیکھ کر ڈبل کلک کریں تو اس طرح کی سکرین سامنے آئے گی۔


اس میں اہم کام Use as میں Ext4 اور Mount point میں / متنخب کرنا ہے۔ باقی چیزوں کو تبدیل کرنے کی ضرورت نہیں۔ / کا مطلب ہے کہ لینکس کے لیے روٹ پارٹیشن یعنی جس میں لینکس کی ساری فائلیں ہونگی۔

اسی طرح Swap کو متنخب کرنے کی ضرورت نہیں کیوں کہ آپ سوائیپ پارٹیشن کو ڈبل کلک کر کے چیک کر سکتے ہیں کہ وہ پہلے سے ہی متنخب ہے۔

Install Now وغیرہ پر کلک کریں اور باقی سٹپس ایک جیسے ہیں۔ آپ اس لینک پر دوسری ویڈیو کے 8 بج کر 15 منٹ سے شروع کر سکتے ہیں۔
http://asakpke-urdu.blogspot.com/2011/06/learn-to-install-linux-operating-system.html لینکس کمپیوٹر آپریٹنگ سسٹم انسٹال کرنا سیکھیں (اردو میں مکمل ویڈیو گائیڈ)۔

مزید معلومات:

بدھ، 13 جون، 2012

زورن او ایس/اوبنٹو/لینکس میں ٹاسک بار/پینل کو شفاف بنانا

(Click here http://asakpke.blogspot.com/2012/06/making-taskbarpanel-transparent-on.html to view this post in English language)

ایپڈیٹ 16/10/2012: نوٹ یہ طریقہ صرف الٹیمیٹ ایڈیشن میں کام کرتا ہے، ربط http://www.zoringroup.com/forum/viewtopic.php?f=6&t=2199#p9034 ):

یہ کام بہت آسان اور دیکھنے میں بہت خوبصورت ہے۔

زورن او ایس http://asakpke-urdu.blogspot.com/2011/06/learn-to-install-linux-operating-system.html پر مندرجہ زیل سٹپ کریں، یہ سٹپ میں نے زورن او ایس 4 اور 5 میں چیک کیے ہیں, امید ہے کہ باقی لینکس پر بھی درست ہونگے۔
  1. پہلہ مرحلہ
    1. نچلے پینل پر دائیں کلک کریں اور اس میں سے 'Properties' متنخب کریں
    2. 'Background' ٹیب پر کلک کریں
    3. 'Solid color' متنخب کریں
    4. 'style' سے اپنی ضرورت کے مطابق شفافیت (transparency) متنخب کریں
  2. دوسرا مرحلہ
    1. ڈیسک ٹاپ کی خالی جگہ پر دائیں کلک کریں اور 'Change Desktop Background' متنخب کریں
    2. 'Theme' ٹیب متنخب کریں
    3. 'Customize' پر کلک کریں
    4. 'Controls' ٹیب متنخب کریں
    5. اور 'Zorin OS Mac' پر کلک کریں
شفافیت (transparency) کے مزے لیں :)


مزید معلومات:

بدھ، 25 جنوری، 2012

ڈیٹا برابر کرنا

یہ ان دنوں کی بات ہے جب آتش جوان تھا، یعنی میں کامسٹیٹس واہ یونیورسٹی میں اپنی کمپیوٹر ماسٹر ڈگری کر رہا تھا۔ میرا تازہ ترین ڈیٹا کبھی ہوسٹل پی سی پر ہوتا تھا اور کبھی کیمپس میں۔ میں اس تازہ ترین ڈیٹا کی کاپی فلیش ڈرائیو میں رکھتا تھا۔ عام طور پر ہم لوگ بار بار پورے پورے فولڈرز کاپی پیسٹ کر دیتے ہیں، جبکہ نیا ڈیٹا یا تبدیل شدہ ڈیٹا تھوڑا ہی ہوتا ہے۔ یا جب کام زیادہ ہو جائے تو یہ یاد رکھنا کہ کونسا ڈیٹا تازہ ترین ہے، مشکل ہے۔

اس مسلے کے حل کے لیے کچھ عرصہ قبل کام کیا تھا، جس میں کچھ خامیاں تھیں۔ اب اسے بہتر کیا تو خیال آیا کہ کیوں نہ دوبادہ سے شیئر کر دیا جائے۔ یہ کام وژؤل بیسک سکریپٹ میں کیا گیا ہے، یعنی یہ صرف ونڈوز کے لیے ہے اور سارا کام میں نے نہیں کیا بلکہ کچھ انٹرنیٹ سے بھی مدد لی ہے۔ کوئی بھی اسکا کوڈ دیکھ یا تبدیل کر سکتا ہے اور اسکو چلانے کے لیے انسٹال کرنے کی ضرورت نہں ہے۔
ڈیٹا برابر (synchronise) کرنا


اوپر لینک پر کلک کریں اور وہاں دائیں طرف ڈائنلوڈ پر کلک کر کے اتار لیں۔ اور چلائیں


پہلے سورس متنخب کریں جہاں سے ڈیٹا کاپی کرنا ہے۔ پھر ٹارگٹ متنخب کریں جہاں پر ڈیٹا کاپی کرنا ہے۔ بس پھر اللہ اللہ کریں :)۔

اگر دونوں طرف ڈیٹا برابر (synchronise) کرنا ہو تو ایک دفعہ سورس سے ٹارگٹ کی طرف چلائیں اور دوبارہ ٹارگٹ سے سورس کی طرف چلائیں۔

اس کی خاص بات یہ ہے کہ یہ صرف نئی یا تبدیل شدہ فائیلز کو ہی کاپی کرئے گا۔ اور سورس و ٹارگٹ کی تازہ ترین فائیلز ٹارگٹ پر آ جائیں گی۔

یہ کام بنیادی طور پر میں نے اپنے لیے کیا تھا، مگر آپ بھی فائدہ اٹھا لیں تو حرج نہیں، پر دعائوں میں ضرور یاد رکھیں۔

اپڈیٹ سوال: "کیا ایسا ہو سکتا ہےکہ ٹارگٹ اور سورس فولڈر پہلے ہی سے متعین ہو اور بار بار سورس اور ٹارگٹ دینے کی زحمت سے بچا جائے؟"

جواب: جی بلکل یہ کام بڑی آسانی سے کیا جا سکتا ہے
'Synchronize Data 2012-01-06-01.bat' فائل پر رائیٹ کلک کر کے 'Edit' پر کلک کریں تو یہ فائل نوٹ پیڈ میں کھل جائے گی
اب اس لائین
strSource = BrowseFolder( "", True, "Select a SOURCE folder:" )
کو اپنے سورس سے بدل دیں مثلا
strSource = "C:\Your Source Folder\And Its Path"
اسی طرح آپ 'strDestination ' میں اپنے ٹارگٹ سے بدل دیں مثلا
strDestination = "C:\Your Destination Folder\And Its Path"

مزید معلومات:
 پاک نیٹ



ایجوکیشنل گیمنگ یو ایس بی